Ar beth fyddech chi’n gwario £20miliwn yn y Rhondda Fach?

Mae Balchder Bro y Rhondda Fach* yn cynnal sesiynau Syniadau Cymunedol ddydd Mercher 15 a dydd Iau 16 Gorffennaf. Bydd y digwyddiadau yn helpu i lunio syniadau cyffrous ar gyfer yr ardal dros y 10 mlynedd nesaf. Mae angen i’r trefnwyr glywed gan bobl leol am yr hyn sy’n bwysig iddyn nhw.

Gallai’ch syniadau siapio dyfodol eich ardal

• Siaradwch â phobl eraill am yr hyn sy’n bwysig i chi yn y Rhondda Fach
• Beth fyddai’n gwneud y Rhondda Fach yn well i chi, eich teulu a’ch cymuned?
• Gweithio gydag eraill mewn sesiwn gyfeillgar, hwyliog

Nid oes unrhyw syniadau cywir neu anghywir. Mae’r trefnwyr eisiau clywed gan gymaint o bobl â phosibl. Nid oes angen unrhyw brofiad arnoch chi. Dewch draw a rhannu’ch barn.

Mae’r digwyddiad am ddim a bydd bwyd a diod ar gael.

Archebwch eich lle i helpu i siapio’r hyn a ddaw nesaf.

•  Canolfan Gymunedol y Maerdy, dydd Mercher 15 Gorffennaf (1pm – 4pm): Archebwch yma
• Canolfan Gymunedol y Maerdy, dydd Mercher 15 Gorffennaf (5:30 pm – 8:30 pm): Archebwch yma
• Neuadd Les Tylorstown, dydd Iau 16 Gorffennaf (1 pm – 4 pm): Archebwch yma
• Neuadd Les Tylorstown, dydd Iau 16 Gorffennaf (5:30 pm – 8:30 pm): Archebwch yma

 Oes gennych chi syniad? Hyd yn oed un bach?

Dewch i’w rannu. Gallai dyfu i fod yn rhywbeth sy’n gwneud gwahaniaeth go iawn.

*Ariennir rhaglen Balchder Bro y Rhondda Fach gan Lywodraeth y DU