CYM|ENG
Gweithio gyda ni Adborth Cysylltu â ni
search icon accessibility icon cymraeg icon
Fy Trivallis i
menu open icon menu close icon

Ein huwch dîm

Mae ein huwch dîm arwain yn llywio ac yn cyfeirio Trivallis.

Trivallis Housing Landlord Wales An older man with white hair and a beard, dressed in a light pink shirt, is seated at a table with an open notebook, holding a pen as if discussing something. A person in a blue sweater, whose face is out of focus, is also at the table with notes.

Cwrdd â’r tîm

Ein tîm gweithredol sy’n gwneud y penderfyniadau mawr, yn gosod nodau ac yn cynllunio strategaethau i roi tenantiaid yn gyntaf a helpu’r cwmni i lwyddo. Hefyd, maent yn cefnogi ac yn symbylu gweithwyr i fyw yn unol â’n gwerthoedd, gan sicrhau bod pawb yn gweithio gyda’i gilydd tuag at amcanion cyffredin.

Duncan Forbes

Prif Weithredwr

Mae Duncan yn arweinydd profiadol ac yn gyfreithiwr â 35 mlynedd o brofiad yn y sectorau cyhoeddus, preifat a gwirfoddol, ynghyd â mentrau cymdeithasol ym mherchnogaeth y gymuned. Mae ganddo gefndir cadarn yn gweithio gydag amrywiol gymunedau a sefydliadau, gan ganolbwyntio ar feysydd fel tai, gwasanaethau cyhoeddus, tlodi ac anghydraddoldeb, ac adfywio.

Mae ei ddiddordebau a’i arbenigedd penodol mewn rheoli newid, arweinyddiaeth, llywodraethu, rheoleiddio, a chydlynu gwasanaethau cyhoeddus er mwyn gwasanaethu’r gymuned yn well. Mae’n angerddol am wella ansawdd bywyd hirdymor trwy wasanaethau ataliol gwell.

Louise Attwood

Cyfarwyddwr Gweithredol Datblygu, Asedau a Chynaliadwyedd

Mae Louise yn gyfrifol am gyflawni ein rhaglenni twf ac adfywio, gan arwain ar sefydlu gwerthiannau llwyr a gweithgareddau rhentu preifat yn ogystal â chyflenwi cartrefi fforddiadwy o ansawdd uchel ledled De-ddwyrain Cymru. Mae hi'n dod â phrofiad helaeth mewn datblygu ac adfywio tai. Mae hi wedi gweithio o'r blaen o fewn y sector tai cymdeithasol ac fel ymgynghorydd eiddo annibynnol, gan reoli prosiectau ar raddfa fawr yn llwyddiannus sydd nid yn unig wedi cynyddu stoc tai ond hefyd wedi gwella seilwaith a chydlyniant cymunedol.

Keiron Montague

Cyfarwyddwr Gweithredol Cymunedau

Ac yntau wedi’i eni a’i fagu ym Maerdy, mae Keiron yn weithiwr proffesiynol ym maes tai cymdeithasol gyda diddordeb brwd mewn mynd i’r afael â thlodi ac adfywio cymunedau. Dechreuodd ei yrfa fel Swyddog Cynnwys y Gymuned, ac wedyn symudodd i waith ieuenctid. Gweithiodd i nifer o gymdeithasau tai yn ne Cymru cyn ymuno â Trivallis yn 2019 fel Pennaeth Datblygu ac Adfywio. Hefyd, mae wedi bod yn Gynghorydd ar gyfer RhCT ac yn Aelod Bwrdd Cymunedol Annibynnol o Fwrdd Iechyd Prifysgol Cwm Taf.

Lisa Pinney

Cyfarwyddwr Gweithredol Adnoddau

Ymunodd Lisa â Trivallis ym Mai 2023 ac mae ganddi dros 15 mlynedd o brofiad o weithio i gymdeithasau tai yng Nghymru. Mae ei rôl yn cwmpasu pob agwedd ar gyllid, y trysorlys, caffael, technoleg, data a gwella busnes. Hi yw Ysgrifennydd Grŵp y Cwmni, hefyd. Mae wedi bod yn gyfrifydd cymwysedig ers bron i 30 mlynedd ac mae ganddi MA mewn Arweinyddiaeth a Rheolaeth. A chanddi gefndir proffesiynol ym meysydd tai, addysg a gweithgynhyrchu, mae Lisa yn arddel gwerth am arian a sut gall technoleg yrru effeithlonrwydd busnes.

Gareth Thomas

Cyfarwyddwr Gweithredol Pobl

Mae Gareth yn weithiwr proffesiynol AD ​​profiadol iawn gyda dros 20 mlynedd o arbenigedd mewn arwain effeithiolrwydd sefydliadol trwy ymgorffori diwylliant a gwerthoedd. Ymunodd â Trivallis ym mis Mai 2025 ar ôl gweithio gyda Wales and West Housing, y Post Brenhinol a Threnau Arriva Cymru i greu diwylliant gweithle cadarnhaol a chynhwysol.
Yn angerddol am werthoedd cymdeithasol ac arweinyddiaeth sy'n canolbwyntio ar bobl, mae Gareth yn cadeirio Chwaraeon Anabledd Cymru, gan hyrwyddo mynediad cynhwysol i chwaraeon, ac mae wedi gweithio i Brandon Trust i rymuso pobl ag anableddau dysgu ac awtistiaeth. Mae'n credu'n gryf pan fydd pobl yn teimlo eu bod yn cael eu gwerthfawrogi a'u cefnogi, y gallant ffynnu a gyrru llwyddiant.

Tudalennau cysylltiedig

Trivallis Housing Landlord Wales Two professionals, a man and a woman, in an office meeting room. The woman is glancing sideways with a smile, and the man is looking at the camera with an elbow on the chair back. A bottle and laptops are visible.

Ein Bwrdd

Mae ein Bwrdd yn gyfrifol am gymeradwyo unrhyw benderfyniadau strategol mawr a gwneud yn siŵr eu bod nhw’n iawn i Trivallis ac i’n tenantiaid.

Trivallis Housing Landlord Wales A woman is wearing a blue hat with a "Trivallis!" label and decorative feathers, smiling at the camera.

Ein newyddion

Y diweddaraf am ddigwyddiadau, gweithgareddau cyffrous a chyhoeddiadau pwysig.

Trivallis Housing Landlord Wales A young girl with a ponytail and a woman in a blue Trivallis shirt are smiling at the camera while kneeling on grass, holding a tote bag with the RCT housing logo.

Ein gwerthoedd

Mae bod yn sefydliad sy’n cael ei arwain gan werthoedd yn golygu ein bod ni’n gwneud penderfyniadau ac yn ymddwyn ar sail egwyddorion pwysig. Mae’n llywio’r ffordd rydym ni’n ein trin ein gilydd, trin ein tenantiaid a thrin ein cymuned.

Ble nesaf?

Crwydrwch ein gwefan

Cymryd rhan

Helpwch i lywio ein gwasanaethau a gwneud yn siŵr bod tenantiaid fel chi’n cael dweud eu dweud.

Rhoi gwybod am waith trwsio

Rhowch wybod i ni cyn gynted â phosibl os oes rhywbeth o’i le ar eich cartref

Cyngor ac arweiniad

Gwybodaeth i’ch helpu i deimlo’n gyfforddus yn eich cartref