Proses gwyno

Datrys yn anffurfiol

Os nad ydych chi’n hapus â’r ffordd y deliwyd â’r broblem, gallwch wneud cwyn ffurfiol i ni mewn un o’r ffyrdd canlynol:

• Gwnewch gwyn ar Fy Trivallis i
• Cysylltwch â’n tîm ar 03000 030 888. Dywedwch wrthym eich bod chi’n cwyno.
• Anfonwch e-bost at Customerservices@trivallis.co.uk
• Ysgrifennwch atom yn: Cwynion a Phryderon, Trivallis, Tŷ Pennant, Mill Street, Pontypridd, CF37 2SW.

Byddwn ni’n cysylltu â chi o fewn deuddydd i gael mwy o wybodaeth am eich cwyn. Ein nod fydd datrys y broblem o fewn 10 diwrnod gwaith.

Ymchwiliad ffurfiol

Os ydych chi’n anhapus o hyd â’n gwasanaeth neu’n diffyg gweithredu effeithiol, gallwch ofyn i’ch cwyn gael ei symud i’n Cam Ymchwiliad Ffurfiol. Bydd uwch aelod staff yn ymchwilio i’ch cwyn. Ein nod fydd ymateb i Ymchwiliadau Mewnol Ffurfiol o fewn 20 diwrnod gwaith.

Ydych chi’n anhapus â’r canlyniad?

Os nad ydym ni wedi datrys y broblem o hyd, gallwch gysylltu â’ch swyddfa Cyngor ar Bopeth leol am gyngor. Neu cysylltwch ag Ombwdsmon Gwasanaethau Cyhoeddus Cymru. Gallwch gysylltu â’r Ombwdsmon drwy:

Ffôn: 0300 790 0203

E-bost: holwch@ombwdsmon.cymru

Gwefan: www.ombwdsmon.cymru

Ysgrifennwch at: Ombwdsmon Gwasanaethau Cyhoeddus Cymru, 1 Ffordd yr Hen Gae, Pencoed CF35 5LJ

Fel arfer, mae’r Ombwdsmon yn disgwyl i chi wneud eich cwyn i ni yn gyntaf i roi cyfle i ni gywiro’r mater.

Gwneud hawliad cyfreithiol

Mae llawer o gwmnïau rheoli hawliadau yn bodoli sy’n cynnig cael iawndal i denantiaid sy’n cael problemau â diffyg atgyweirio. Yn aml, maen nhw’n cysylltu â thenantiaid yn uniongyrchol drwy’r cyfryngau cymdeithasol.

Credwn fod llawer o gwmnïau rheoli hawliadau yn ymddwyn yn anonest trwy:

• Dargedu tenantiaid agored i niwed: Mae rhai cwmnïau’n canolbwyntio ar denantiaid sy’n wynebu amser anodd, fel trafferthion ariannol neu anawsterau eraill, ac nad ydynt yn ymwybodol o’u hawliau.
• Gwneud addewidion ffug: Mae cwmnïau hawliadau cyfreithiol yn addo arian i denantiaid am broblemau fel gwaith trwsio tai neu amodau byw gwael. Fodd bynnag, nid oes sicrwydd y byddant yn ennill a gallai tenantiaid orfod talu llawer o dreuliau cyfreithiol os byddant yn colli’r achos.
• Cynyddu costau cyfreithiol: Gall gweithio gyda’r cwmnïau hyn ychwanegu mwy o dreuliau i denantiaid, gan waethygu eu trafferthion ariannol. Nid yw llawer o denantiaid yn gallu fforddio’r costau hyn, gan wneud eu sefyllfa’n waeth byth.

Dolenni defnyddiol

Shelter Cymru

Cyngor ar Bopeth 

Ombwdsmon Gwasanaethau Cyhoeddus CymruPublic Services Ombudsman for Wales

Sut i Godi Pryder Diogelu Data

Os oes gennych bryderon am sut rydym yn prosesu eich data personol neu’n credu ei fod yn bosib bod eich hawliau diogelu data wedi’u torri o dan y Ddeddf Data (Defnydd a Mynediad), gallwch godi cwyn gyda ni. Gallai hyn gynnwys materion megis oedi mewn ymateb i gais am ddata, pryderon am sut mae’ch data wedi cael eu defnyddio neu’u rhannu, neu anfodlonrwydd â chanlyniad Cais Mynediad at Wybodaeth (SAR).

Cyflwynwch eich cwyn i’n Swyddog Diogelu Data drwy e-bost yn dataprotection@trivallis.co.uk. Anelwn at gydnabod eich cwyn o fewn 30 diwrnod calendr, a byddwn yn darparu ymateb llawn cyn gynted â phosib.

Os nad ydych yn fodlon â’n penderfyniad cychwynnol, gallwch ofyn am adolygiad mewnol, lle bydd adolygydd arall o fewn y sefydliad yn edrych ar eich achos eto.

Os rydych yn parhau i fod yn anfodlon ar ôl yr adolygiad mewnol, mae gennych yr hawl i fynd â’ch pryder ymhellach i Swyddfa’r Comisiynydd Gwybodaeth (ICO). I gael rhagor o wybodaeth neu i gyflwyno cwyn, ewch i wefan yr ICO: https://ico.org.uk/global/contact-us.

Gallwch hefyd adolygu ein Polisi Preifatrwydd llawn a dysgu rhagor am sut mae’ch data’n cael eu defnyddio o dan y Ddeddf Data (Defnydd a Mynediad)