Helpu i siapio’r ffordd rydyn ni’n siarad am ASB yn eich cymuned

Ydych chi’n frwdfrydig dros greu cymunedau cryfach, mwy diogel?

Ydych chi am weld gweithredu go iawn ar ymddygiad gwrthgymdeithasol (ASB) – a gwneud yn siŵr bod lleisiau tenantiaid yn arwain y ffordd?

Yna byddem ni wrth ein boddau pe bai modd i chi ymuno â ni ar gyfer gweithdy ymarferol, sy’n canolbwyntio ar atebion lle bydd tenantiaid, staff a phartneriaid yn dod ynghyd i siapio’r ffordd rydyn ni’n siarad am ASB yn ein cymdogaethau ac yn mynd i’r afael ag ef.

Dyddiad: Dydd Mawrth 17 Mehefin
Lleoliad: YMa, Pontypridd 10:30am–1pm
Yn cynnwys lluniaeth

Pam ddylech chi ddod

Nid siop siarad yn unig yw’r gweithdy hwn. Rydyn ni eisiau cyd-greu’r ffordd rydyn ni’n cyfathrebu am ASB – yr hyn rydyn ni’n ei ddweud, sut rydyn ni’n ei ddweud e, a sut rydyn ni’n gweithio gyda’n gilydd i sicrhau bod pob un yn teimlo bod ei lais yn cael ei glywed, a’i fod yn cael ei gefnogi a’i ddiogelu.

Byddwch yn gweithio ochr yn ochr â staff tai, timau diogelwch cymunedol, partneriaid lleol, a thenantiaid eraill i wneud y canlynol:

• Rhannu’r hyn sydd bwysicaf i chi o ran ASB
• Helpu i osod y blaenoriaethau ar gyfer cyfathrebu ac ymgysylltu yn y dyfodol
• Gwneud yn siŵr bod lleisiau tenantiaid yn siapio’r negeseuon rydyn ni’n eu defnyddio ar draws y sefydliad

P’un a ydych chi wedi cael profiad o ASB eich hun, wedi cefnogi cymydog, neu’ch bod yn poeni am sut rydyn ni’n adeiladu cymunedau cryfach – mae eich mewnwelediad yn hanfodol.

Gweithio gyda’n gilydd sy’n bwysig – nid dim ond riportio problemau, ond bod yn rhan o’r ateb.

Mae llefydd yn brin, felly os oes gennych chi ddiddordeb, rhowch wybod i ni cyn gynted â phosibl trwy e-bostio involvement@trivallis.co.uk.

Bydd cyfleoedd yn y dyfodol ar gael hefyd, felly hyd yn oed os na allwch chi ddod i’r gweithdy hwn ond yr hoffech gyfrannu at y gwaith, rhowch wybod i ni.