CYM|ENG
Gweithio gyda ni Adborth Cysylltu â ni
search icon accessibility icon cymraeg icon
Fy Trivallis i
menu open icon menu close icon

Adeiladu cymdogaethau cynhwysol

Rydym am greu cymdogaethau cynhwysol lle mae gan bawb ymdeimlad o berthyn. Mae cymdogaethau cryf a bywiog yn cynnwys pob math o bobl o bob cefndir a dyna pam mae dathlu amrywiaeth yn helpu pob un ohonom ni i ffynnu.

Adeiladu cymdogaethau cynhwysol

Neidiwch i

Pam mae cynwysoldeb yn bwysig Beth yw amrywiaeth? Awgrymiadau ar gyfer parchu a chofleidio amrywiaeth

Pam mae cynwysoldeb yn bwysig

Mae creu cymdogaeth gynhwysol yn ymwneud â chydnabod y gwahanol gryfderau sydd gan bob unigolyn. Mae’n arwain at gysylltiadau cryfach, cymunedau mwy diogel a phrofiad byw mwy pleserus i bawb.

Gyda’n gilydd, gallwn adeiladu cymdogaeth lle mae pawb nid yn unig yn cael eu derbyn ond yn cael eu dathlu am bwy ydyn nhw. Mae’n dechrau gyda phob un ohonom ni’n gwneud ymdrech ymwybodol i greu gofod croesawgar a chynhwysol.

Beth yw amrywiaeth?

Mae amrywiaeth yn ymwneud â chydnabod a gwerthfawrogi’r pethau sy’n gwneud pob un ohonom ni’n unigryw. Rydym ni’n dathlu ac yn parchu gwahaniaethau pobl. Dyma rai agweddau allweddol ar amrywiaeth:

1. Oedran

Mae pobl o bob oedran yn cael eu gwerthfawrogi a’u parchu. P’un a ydych chi’n ifanc neu’n hŷn, mae gan bawb rywbeth pwysig i’w gyfrannu.

2. Rhywedd

Mae pob rhywedd yn gyfartal ac yn haeddu parch. Mae’n ymwneud â thrin pawb yn deg a gallu meddwl am sut gall pethau gael eu gweld o safbwynt arall.

3. Hil ac ethnigrwydd

Rydym ni’n dod o gefndiroedd amrywiol ac mae hynny’n rhywbeth i fod yn falch ohono. Mae cofleidio hil ac ethnigrwydd amrywiol yn gwneud ein cymuned yn gryfach, yn enwedig pan rydym ni’n cymryd yr amser i ddod i adnabod ein gilydd.

4. Anabledd

Gall rhai pobl wynebu heriau corfforol, meddyliol neu synhwyraidd, ond nid yw’n diffinio pwy ydyn nhw. Rydym ni’n gwneud yn siŵr bod gan bawb gyfle cyfartal, ni waeth beth yw eu galluoedd.

5. Crefydd a chredoau

Mae pobl yn dilyn gwahanol grefyddau neu mae ganddynt amrywiol gredoau. Mae’n ymwneud â deall a pharchu ffydd pobl eraill a pheidio â chymryd pethau’n ganiataol.

6. Cyfeiriadedd rhywiol

Gall teimladau pobl o atyniad emosiynol, rhamantus a rhywiol at bobl o rywedd neu ryweddau penodol amrywio. Mae trin y perthnasoedd hyn fel y byddech yn trin unrhyw berthynas arall yn helpu i greu amgylchedd croesawgar a diogel.

7. Hunaniaeth rhywedd

Mae gan rai unigolion hunaniaeth rhywedd sy’n wahanol i’r hyn a neilltuwyd iddynt adeg eu genedigaeth. Mae parchu a defnyddio’r rhagenwau cywir yn dangos caredigrwydd a dealltwriaeth.

8. Statws priodasol

P’un a yw rhywun yn sengl, yn briod neu mewn partneriaeth sifil – mae pawb yn haeddu triniaeth gyfartal. Mae’n ymwneud â pheidio â barnu pobl ar sail eu statws o ran perthynas

Cofiwch

Mae amrywiaeth yn gwneud ein cymuned yn fywiog ac yn ddiddorol. Pan fyddwn ni’n trin ein gilydd gyda charedigrwydd, tegwch a pharch, byddwn yn creu man gwych i fyw sy’n helpu pob un ohonom ni i gyrraedd ein potensial llawn.

Awgrymiadau ar gyfer parchu a chofleidio amrywiaeth

1. Dod i adnabod eich cymdogion

Dechreuwch gyda shwmae gyfeillgar, neu godi llaw.
Trefnwch ddigwyddiadau cymunedol i ddwyn pobl ynghyd

2. Dathlu gwahaniaethau diwylliannol

Dysgwch am amrywiol ddiwylliannau yn eich cymdogaeth a’u gwerthfawrogi.
Rhannwch draddodiadau a dathlu gwyliau amrywiol.

3. Gwrando a dysgu

Gwrando’n astud ar safbwyntiau gwahanol.
Bod yn agored i ddysgu o brofiadau pobl eraill.
Gofynnwch gwestiynau ond gofynnwch nhw’n sensitif.

4. Creu mannau cynhwysol

Sicrhewch fod mannau cymunedol yn hygyrch i bawb.
Ystyriwch anghenion amrywiol wrth gynllunio digwyddiadau neu weithgareddau.

5. Cefnogi busnesau lleol

Cofleidiwch fusnesau sydd ym mherchnogaeth pobl o gefndiroedd amrywiol.
Hyrwyddwch amrywiaeth economaidd o fewn y gymuned.

6. Herio rhagfarn

Byddwch yn ymwybodol o’ch rhagfarnau eich hun a’u herio.
Peidiwch â chymryd rhan mewn sgyrsiau (ar-lein nac wyneb yn wyneb) lle mae pobl yn cael eu sarhau oherwydd eu hil, anabledd, rhywedd neu nodwedd arall.

Gwnewch wahaniaeth

Gallwch fod yn fodel gwych o ymddygiad i bobl eraill pan fyddwch chi’n gynnes ac yn groesawgar i bawb yn eich cymuned.

Tudalennau cysylltiedig

Trivallis Housing Landlord Wales Two women sitting on a low wall outside a row of Trivallis houses, accompanied by a small black dog on a leash.

Fy nghymdogaeth

Bod yn gymydog da

Ble nesaf?

Crwydrwch ein gwefan

Cymryd rhan

Helpwch i lywio ein gwasanaethau a gwneud yn siŵr bod tenantiaid fel chi’n cael dweud eu dweud.

Newyddion

Y diweddaraf am ddigwyddiadau, gweithgareddau cyffrous a chyhoeddiadau pwysig.

Cyngor ac arweiniad

Gwybodaeth i’ch helpu i deimlo’n gyfforddus yn eich cartref