CYM|ENG
Gweithio gyda ni Adborth Cysylltu â ni
search icon accessibility icon cymraeg icon
Fy Trivallis i
menu open icon menu close icon

Gofalu am y gyllideb

Mae bywyd yn llawn syrpreisys, ac mae rheoli eich arian yn ddoeth yn allweddol i sefydlogrwydd ariannol a thawelwch meddwl. Dilynwch yr awgrymiadau syml hyn i gymryd rheolaeth ar eich arian.

Trivallis Housing Landlord Wales Two men engaged in a conversation about housing while sitting at a table with a mug and some papers between them for the Trivallis RCT project.

Neidiwch i

Gofalu am y gyllideb Treuliau hanfodol Nodau cynilo Adolygu ac addasu Barod i gymryd rheolaeth?

alert icon Ydych chi’n ei chael hi’n anodd talu eich rhent neu eich biliau?

Gallwch siarad ag aelod o’n tîm Cyngor Ariannol yn ystod oriau swyddfa, ar 01443 494560.

Gofalu am y gyllideb

Mae creu cyllideb fel rhoi swydd i’ch arian. Mae’n eich helpu i neilltuo cyllid i wahanol rannau o’ch bywyd, gan sicrhau eich bod chi’n gallu ateb eich anghenion a chynllunio at y dyfodol.

1. Gwybod beth yw eich incwm

Rhestrwch eich holl ffynonellau incwm, gan gynnwys cyflogau, budd-daliadau, neu unrhyw gymorth ychwanegol.

2. Cadwch lygad ar eich treuliau

Cadwch gofnod o’ch gwariant am fis. Bydd hyn yn eich helpu i nodi i ble mae eich arian yn mynd.

Treuliau hanfodol

Nawr, gadewch i ni ganolbwyntio ar y pethau angenrheidiol – y treuliau hanfodol sy’n cadw’ch bywyd i fynd yn llyfn.

3. Blaenoriaethwch eich anghenion

Nodwch dreuliau hanfodol fel y rhent, cyfleustodau, bwyd a chludiant. Nid yw’r rhain yn destun trafod a dylid eu blaenoriaethu.

4. Gosodwch symiau realistig

Penderfynwch faint o arian i’w wario ar wahanol bethau, gan wneud yn siŵr bod hynny’n cyd-fynd â faint o arian sydd gennych, a chynilwch ychydig o arian sbâr rhag ofn y bydd argyfwng.

Nodau cynilo

Mae arbed arian fel plannu hadau ar gyfer dyfodol diogel. Gadewch i ni ystyried sut i ychwanegu cynilo at eich cyllideb.

5. Dechreuwch yn fach

Dechreuwch trwy osod ychydig o arian o’r neilltu ar gyfer cynilo bob mis. Wrth i’ch sefyllfa ariannol wella, gallwch gynyddu’r swm hwn.

6. Cronfa argyfwng

Anelwch at adeiladu cronfa argyfwng sy’n talu gwerth o leiaf dri mis o dreuliau byw. Bydd y gronfa hon yn rhwyd diogelwch yn ystod sefyllfaoedd annisgwyl.

Eich arian, eich cynllun

Cofiwch, mae eich cyllideb yn bersonol. Dylech deilwra’ch cyllideb yn ôl eich anghenion a pheidiwch â bod ofn addasu wrth i amgylchiadau newid.

Adolygu ac addasu

Nid yw cyllideb yn rhywbeth i’w gosod ac anghofio amdani. Bydd ei hadolygu a’i haddasu’n rheolaidd yn eich cadw chi ar y trywydd cywir at lwyddiant ariannol.

7. Gwiriadau misol

Gwiriwch eich cyllideb bob mis i weld sut mae’n mynd. Dathlwch lwyddiannau a gwnewch newidiadau, lle bo angen.

8. Addaswch yn wyneb newidiadau

Mae bywyd yn ddynamig a dylai eich cyllideb chi fod yn ddynamig, hefyd. Byddwch yn barod i addasu i newidiadau mewn incwm, treuliau neu nodau cynilo.

Barod i gymryd rheolaeth?

Ydych chi’n barod i gymryd rheolaeth ar eich arian?

Dechreuwch trwy greu cyllideb heddiw! Lawrlwythwch ein templed syml ar gyfer cyllideb a dechreuwch ar eich taith tuag at ryddid ariannol.

Trwy ddilyn yr awgrymiadau hyn, nid dim ond cyllidebu ydych chi; rydych chi’n llunio map ffordd tuag at les ariannol. Mynnwch reolaeth ar eich arian a gadewch iddo weithio i chi.

Lawrlwytho templed cyllidebu

Lawrlwytho
Trivallis Housing Landlord Wales A person using a calculator and reviewing documents, possibly managing finances or doing accounting work for Trivallis housing.

Siaradwch â’n tîm Cyngor Ariannol

Mae ein swyddogion cyngor ariannol ar gael yn ystod oriau swyddfa, o ddydd Llun i ddydd Gwener.

Fy Trivallis i 01443 494560

Tudalennau cysylltiedig

Trivallis Housing Landlord Wales A smiling man with facial hair sits at a desk in a busy office environment, wearing a gray t-shirt and a lanyard. he seems relaxed, looking directly at the camera with office colleagues blurred in the background. He is a money advice officer who can help with money.

Fy Arian

Siarad â swyddog cyngor ariannol

Ble nesaf?

Crwydrwch ein gwefan

Cymryd rhan

Helpwch i lywio ein gwasanaethau a gwneud yn siŵr bod tenantiaid fel chi’n cael dweud eu dweud.

Newyddion

Y diweddaraf am ddigwyddiadau, gweithgareddau cyffrous a chyhoeddiadau pwysig.

Cyngor ac arweiniad

Gwybodaeth i’ch helpu i deimlo’n gyfforddus yn eich cartref