Diweddariad cymunedol: Arddangosfeydd baneri a materion cysylltiedig

Mae rhai trigolion wedi gofyn am arddangos baneri mewn mannau cyhoeddus fel rhan o ymgyrch o’r enw Operation Raise the Colours.

Ynglŷn â’r ymgyrch:

• Dechreuodd yr ymgyrch yn 2025, tua’r un adeg â thwrnamaint Cwpan Rygbi’r Byd Menywod, sydd wedi arwain at rywfaint o ddryswch ynglŷn ai balchder chwaraeon yn unig sydd wrth wraidd yr ymgyrch.
• Mae’n annog arddangos baneri cenedlaethol, gan gynnwys Jac yr Undeb, Croes San Siôr, ac yng Nghymru, y Ddraig Goch.
• Er ei fod yn cyflwyno ei hun fel ymgais i hyrwyddo gwladgarwch a balchder cenedlaethol, mae gan rai grwpiau sy’n gysylltiedig gymhellion gwleidyddol, gan gynnwys negeseuon gwrth-fewnfudo a hiliol.

Pryderon yn ein cymunedau:

• Mae baneri cenedlaethol yn rhan bwysig o hunaniaeth ddiwylliannol i lawer o bobl. Fodd bynnag, mae rhai grwpiau wedi defnyddio’r ymgyrch hon i wthio negeseuon gwleidyddol, gan gynnwys safbwyntiau gwrth-fewnfudo.
• Bu adroddiadau am iaith hiliol a symbolau Natsïaidd yn cael eu gosod ar waliau mewn rhai ardaloedd, sy’n annerbyniol a bydd hyn yn cael ei drin o ddifrif.
• Efallai y bydd trigolion yn teimlo’n annifyr neu’n anniogel o amgylch baneri sy’n cael eu harddangos at ddibenion gwleidyddol.

Ein hagwedd:

• Ein nod yw creu mannau cyhoeddus sy’n teimlo’n gyfeillgar ac yn agored, fel bod pawb yn teimlo eu bod yn cael eu croesawu ac yn ddiogel.
• Rydyn ni’n eich annog i gwestiynu honiadau beiddgar ac ystadegau rydych chi’n eu darllen ar-lein. Gofynnwch i chi’ch hun pa mor ddibynadwy yw’r ffynhonnell a chwestiynwch o ble neu gan bwy mae’n dod. Gweler ein cyngor blaenorol ar hyn yma.
• Rydyn ni’n annog trigolion i roi gwybod am unrhyw graffiti hiliol neu symbolau sarhaus fel y gellir eu tynnu’n gyflym.

Cysylltu a rhoi gwybod:
Os oes gennych chi bryderon neu os hoffech gyngor, cysylltwch â 999 mewn argyfwng neu 101 i roi gwybod am ymddygiad neu graffiti sy’n hiliol neu’n targedu poblogaeth benodol.

Gallwch siarad â Cymorth i Ddioddefwyr fel dewis arall i’r Heddlu. Maen nhw’n darparu cymorth, cyngor a chefnogaeth annibynnol, cyfrinachol i ddioddefwyr a thystion troseddau casineb yng Nghymru.

Gallwch ffonio Cymorth i Ddioddefwyr am ddim ar unrhyw adeg ar 0300 3031 982.

Ewch i wefan Cymorth i Ddioddefwyr lle gallwch roi gwybod am droseddau casineb a chlywed mwy am gael help.

Cyfryngau Cymdeithasol:

Mae rhai trigolion wedi rhannu pryderon am Operation Raise the Colours. Er bod baneri cenedlaethol yn bwysig i lawer, mae’r ymgyrch hefyd wedi ei chysylltu â negeseuon gwleidyddol, gan gynnwys safbwyntiau gwrth-fewnfudo.

Rydyn ni am i bawb deimlo’n ddiogel a theimlo bod croeso iddyn nhw yn ein cymunedau. Os oes gennych chi bryderon neu os hoffech chi gael cyngor, cysylltwch â 999 mewn argyfwng neu 101 i roi gwybod am ymddygiad neu graffiti sy’n hiliol neu’n targedu poblogaeth benodol.