Symud i Gredyd Cynhwysol

Oeddech chi'n gwybod bod eich budd-daliadau yn newid?

Os byddwch chi’n derbyn llythyr, dan y teitl ‘Hysbysiad Mudo’ neu ‘Migration Notice’, mae hyn yn golygu y bydd angen i chi wneud cais Credyd Cynhwysol (CC) gan fod y ffordd rydych chi’n hawlio eich budd-daliadau ar hyn o bryd yn dod i ben.

Taliad misol sengl yw’r Credyd Cynhwysol a fydd yn cymryd lle eich budd-daliadau a’ch credydau treth presennol.

Gwnewch yn siŵr eich bod yn aros nes eich bod yn derbyn y llythyr cyn gwneud cais am Gredyd Cynhwysol a’ch bod yn ei gwblhau cyn y dyddiad cau. Ni fyddwch yn cael eich symud drosodd yn awtomatig.

Bydd modd i chi wneud eich cais am Gredyd Cynhwysol ar-lein, neu dan rai amgylchiadau bydd modd gwneud hynny dros y ffôn. Bydd yr holl wybodaeth ar hawlio yn eich hysbysiad mudo pan fyddwch yn ei dderbyn.

Os byddwch chi’n cwblhau hawliad Credyd Cynhwysol cyn derbyn y llythyr, mae’n bosib y byddwch chi’n colli arian. I gael rhagor o wybodaeth am hyn, gweler yr Amddiffyniad pontio os ydych chi’n derbyn llythyr Hysbysiad Mudo – GOV.UK (www.gov.uk)

Mae’r Adran Gwaith a Phensiynau wedi darparu’r wybodaeth isod ynghylch pryd y gallwch ddisgwyl eich llythyr. Amcangyfrif yn unig yw hwn, felly peidiwch â phoeni os nad ydych chi wedi derbyn eich llythyr erbyn y dyddiad a nodwyd:

Cymorth pellach

Mae rhagor o gymorth ar symud i’r Credyd Cynhwysol ar gael ar GOV.UK.

Gallwch hefyd gael help drwy ffonio llinell gymorth am ddim Hysbysiad Mudo Credyd Cynhwysol ar 0800 169 0328.

Os ydych chi wedi derbyn eich hysbysiad mudo a bod y dyddiad cau i hawlio Credyd Cynhwysol yn agosáu, a bod angen rhagor o amser arnoch i wneud eich cais, gallwch ffonio’r llinell gymorth a gofyn am estyniad.