Rhaglen Ôl-osod er mwyn Optimeiddio (ORP)

Mae ein Rhaglen Ôl-osod er mwyn  Optimeiddio (ORP) yn ffordd glyfar o wneud gwelliannau i gartrefi i’w gwneud yn fwy effeithlon o ran ynni. Mae’r dull hwn yn edrych ar bopeth yn eich cartref, o’r deunyddiau a ddefnyddiwyd i wneud y cartref i’r ffordd rydych chi’n gwresogi ac yn storio ynni. Mae hyd yn oed yn ystyried sut mae ynni yn cyrraedd eich cartref.

Mae’r rhaglen hon a ariennir gan Lywodraeth Cymru yn canolbwyntio ar greu cartrefi cynaliadwy sy’n llefydd gwell i fyw ynddyn nhw ac yn achosi llai o niwed i’r amgylchedd.

Gall y gwelliannau gynnwys:

• Gwelliannau i inswleiddio’r cartref
• Paneli solar
• Gwelliannau i’r to
• Gosod System Ynni Ddeallus

Y manteision i denantiaid:

• Biliau ynni is: Mae ORP yn helpu i leihau eich costau ynni trwy wneud eich cartref yn fwy effeithlon.
• Gallu rheoli’ch tymheredd yn well: bydd gwelliannau yn eich helpu i gadw’ch cartref ar dymheredd cyfforddus gydol y flwyddyn.
• Datrysiadau wedi’u haddasu: Mae pob cartref yn cael cynllun unigryw yn seiliedig ar ei anghenion a’i ddeunyddiau.

Yn ystod cam cyntaf y rhaglen gwelwyd llwyddiant mawr i’r 65 o dai a gafodd welliannau ym Mherthcelyn. Disgwylir i’r cam nesaf gael ei gyhoeddi ym mis Gorffennaf 2024 gyda mwy o denantiaid yn debygol o elwa ar y rhaglen.

Trwy wella effeithlonrwydd ynni, mae ORP yn eich helpu i arbed arian a bod yn gyfforddus yn eich cartref. Os oes gennych chi gwestiynau neu os oes angen help arnoch, rydyn ni yma i’ch helpu.