Rydyn ni’n falch o’n cynnydd – ac yn dal i anelu’n uwch

Mae data diweddaraf Llywodraeth Cymru yn dangos bod Trivallis yn cymharu’n dda iawn â chymdeithasau tai eraill Cymru, ac ymhlith y perfformwyr gorau mewn sawl maes. Dyna mae adroddiadau y mae’n rhaid i bob un o’r 32 cymdeithas dai eu cyflwyno i Lywodraeth Cymru yn ei ddweud wrthym.

Mae’r ffigurau o ffurflenni Llywodraeth Cymru yn dangos canlyniadau cryf:

• Yn cydymffurfio 100% â’r gofynion gwiriadau diogelwch allweddol, gan gynnwys trwyddedau nwy, tân, asbestos, hylendid dŵr a thrydanol.
• Wedi cwblhau 98.43% o waith trwsio brys mewn da bryd, sydd 10% yn uwch na chyfartaledd y sector o 88.4%.
• Y bedwaredd gyfran isaf o waith trwsio hwyr, ymhell uwchlaw’r cyfartaledd.
• Llai o gartrefi gwag yn aros i gael eu hailosod na’r rhan fwyaf o landlordiaid – dim ond 1.3% o’i gymharu â’r cyfartaledd o 1.65%.
• Roedd Trivallis ymhlith y perfformwyr gorau ar gyfer tenantiaid ag ôl-ddyledion rhent (2.79% o’i gymharu â chyfartaledd y sector o 3.72%).

Dywedodd y Prif Weithredwr Duncan Forbes:
“Diogelwch tenantiaid yw ein prif flaenoriaeth, ac mae’r canlyniadau hyn yn dangos pa mor galed mae ein tîm yn gweithio i gadw cartrefi yn ddiogel. Rwyf hefyd yn falch o weld bod ein lefelau gwaith trwsio wedi gwella, yn enwedig ar ôl heriau Covid.

“Ond gwyddom fod mwy i’w wneud eto. Os ydych chi’n dal i aros am waith trwsio neu ddim yn hapus â’n gwasanaeth, cysylltwch â ni fel y gallwn ni wneud iawn am hynny.”