Ffordd wyrddach o deithio – Trivallis yn treialu fflyd drydan

Yn Trivallis, rydyn ni bob amser yn chwilio am ffyrdd o ddarparu gwasanaeth gwych i’n cymunedau wrth wneud ein rhan dros y blaned. Dyna pam ein bod wedi cyflwyno pum cerbyd trydan (EVs) yn ddiweddar fel rhan o gyfnod prawf gyda’n goruchwylwyr.

Mae’r adborth hyd yn hyn wedi bod yn gadarnhaol iawn. Dywed staff fod yr EVs yn llyfn ac yn hawdd i’w gyrru, ac maen nhw’n mwynhau’r teithiau tawelach, glanach wrth wneud eu gwaith.

“Mae wedi bod yn wych gweld pa mor syml ydyn nhw i’w defnyddio. Maen nhw’n gyfforddus ac yn teimlo fel cam mawr ymlaen.” – Richard Parry, Goruchwylydd yn Trivallis.

A dim ond megis dechrau yw hyn. Rydyn ni wedi ymrwymo i gyflawni sero net yn y ffordd rydyn ni’n cyflawni ein gwaith – ac mae hynny’n cynnwys sut rydyn ni’n teithio i wneud y gwaith. Rydyn ni’n gweithio gyda phartneriaid i adeiladu’r seilwaith cywir i gefnogi cyflwyniad ehangach, gyda’r nod o symud i fflyd cynaliadwy o ran yr amgylchedd yn unig yn y dyfodol.

“Rydyn ni’n rhoi’r seilwaith gwefru cywir ar waith i wneud y newid i drydan yn llyfn ac yn gynaliadwy. Mae’n ymwneud â diogelu ein gwasanaeth i’r dyfodol tra’n lleihau ein hôl troed carbon.” – Cath Davies, Rheolwr Trafnidiaeth yn Trivallis.

Cerbydau glanach. Dyfodol gwyrddach. Gwell cartrefi a chymunedau.