Ein hymrwymiad i weithle diogel a pharchus

Mae gennym bolisi dim goddefgarwch tuag at fwlio, aflonyddu, aflonyddu rhywiol, gwahaniaethu ac erledigaeth ac rydyn ni wedi ymrwymo i gymryd camau rhagweithiol i’w hatal.

Fel rhan o’r ymrwymiad hwn, rydyn ni wedi rhoi polisi Urddas yn y Gwaith cynhwysfawr ar waith, sy’n amlinellu ein hymrwymiad i atal a mynd i’r afael ag unrhyw ffurf ar yr ymddygiad annerbyniol hwn. Nod y polisi hwn yw diogelu pob cydweithiwr, gan sicrhau gweithle diogel a chefnogol i bawb.

Mae pob cydweithiwr yn ymwybodol o’i rôl wrth atal aflonyddu rhywiol a hyrwyddo ymddygiad parchus a phroffesiynol.

Mae trefn adrodd glir ar waith ac mae cymorth ar gael i gydweithwyr os ydyn nhw’n profi neu’n dod ar draws aflonyddu rhywiol. Bydd unrhyw adroddiad yn cael ei gymryd o ddifrif, ac mae’r tîm arwain wedi ymrwymo’n llwyr i ddysgu o unrhyw ddigwyddiadau a gwella’n barhaus y ffordd rydyn ni’n atal aflonyddu rhag digwydd.