Diogelwch rhag llifogydd

1. Mynnu gwybodaeth

Cyn unrhyw beth arall, gwiriwch rybuddion llifogydd a lefelau afonydd. Gallwch ddefnyddio map llifogydd byw Cyfoeth Naturiol Cymru i gael y wybodaeth ddiweddaraf neu ffoniwch y Llinell Llifogydd ar 0345 988 1188.

2. Paratoi eich eiddo

Os ydych chi ar fin wynebu llifogydd, casglwch eich pecyn llifogydd a pharatowch i symud pobl ac anifeiliaid anwes i le diogel. Symudwch eitemau a dogfennau pwysig, sicrhewch wrthrychau rhydd, rhowch lifddorau yn eu lle a diffoddwch y cyflenwadau nwy, trydan a dŵr.

3. Diogelu eich cartref

Rhwystrwch fynediad dŵr trwy ddrysau a ffenestri gan ddefnyddio bagiau tywod, neu gasys gobennydd neu fagiau plastig wedi’u llenwi â phridd. Gorchuddiwch frics awyru ac awyrellau. Rhowch blygiau mewn sinciau a’r bath, caewch gaead y tŷ bach a rhoi pwysau arnyn nhw. Tynnwch bob plwg o’r soced a rhwystrwch fewnbibellau dŵr.

4. Lleihau perygl

Os bydd dŵr yn dod i mewn i’ch eiddo, symudwch rygiau a dodrefn ysgafn. Taflwch y llenni dros y rheiliau y tu hwnt i gyrraedd dŵr llifogydd. Codwch eitemau nad oes modd eu symud gyda briciau neu baledi, gan orchuddio’r gwaelod â bagiau plastig.

5. Mannau diogel

Symudwch i ystafell fyny’r grisiau sydd â ffenestr, fel llwybr dianc posibl. Os ydych chi’n byw mewn eiddo un-llawr, chwiliwch am fan diogel a chysylltwch â’ch Cyngor lleol am lety brys.

6. Ymateb i rybuddion llifogydd

Byddwch yn ymwybodol o hysbysiadau a rhybuddion llifogydd. Yn achos rhybudd llifogydd difrifol, byddwch yn barod i adael i fynd i fan diogel, cydweithredwch â’r gwasanaethau brys a ffoniwch 999 os oes perygl uniongyrchol i chi.

7. Rhoi gwybod am broblemau

Cysylltwch â ni ar 03000 030 888 i roi gwybod am broblemau llifogydd. I roi gwybod am argyfwng nwy neu garbon monocsid, ffoniwch 0800 111 999. I roi gwybod am anifeiliaid mewn perygl neu mewn trallod, ffoniwch rif argyfwng yr RSPCA, sef 0300 1234 999.

8. Gorfod gadael

Os bydd rhaid i chi adael, gwrandewch ar y gwasanaethau brys, yn enwedig os ydych chi’n hunanynysu oherwydd COVID-19. Ewch â’ch pecyn llifogydd gyda chi, ynghyd â dillad sbâr a hanfodion i’ch anifail anwes.

9. Cael gwybodaeth wrth orfod gadael

Mynnwch y wybodaeth ddiweddaraf am deithio trwy Traffig Cymru, Traveline Cymru, grwpiau Facebook lleol, gorsafoedd radio a dilynwch gyngor gan eich Cyngor lleol.

Hanfodol

• Dogfennau pwysig e.e. pasbortau, yswiriant y cartref, trwydded yrru
• Arian parod neu gardiau credyd
• Meddygaeth bresgripsiwn
• Hanfodion plant e.e. llaeth a photeli wedi’u diheintio, bwyd babi, cewynnau, weips
• Manylion cyswllt pwysig
• Pecyn cymorth cyntaf
• Dŵr potel

Defnyddiol

• Ffôn symudol a gwefrwr
• Tortsh a batris neu dortsh weindio
• Radio a batris neu radio weindio
• Camera
• Eitemau bwyd tun (ac agorwr tuniau) neu fwyd sy’n para
• Blancedi a dillad cynnes/gwrth ddŵr
• Pecyn ymolchi yn cynnwys eitemau hanfodol