CYM|ENG
Gweithio gyda ni Adborth Cysylltu â ni
search icon accessibility icon cymraeg icon
Fy Trivallis i
menu open icon menu close icon

Bod yn gymydog da

Rydym am i bawb sy’n byw mewn cartref Trivallis deimlo’n hapus ac yn gyfforddus. Mae bod yn gymydog da yn bwysig iawn, ac mae’n gwneud ein cymuned yn lle gwell i bawb

Trivallis Housing Landlord Wales Two women sitting on a low wall outside a row of Trivallis houses, accompanied by a small black dog on a leash.

Neidiwch i

Awgrymiadau Datrys problemau Beth all Trivallis ei wneud?
Trivallis Housing Landlord Wales A woman with long hair leaning on a fence, holding a mug, with a Trivallis residential street in the background.

Awgrymiadau

Dyma rai awgrymiadau ar gyfer sut i fod yn gymydog gwych:

1. Dywedwch ‘shwmae’!

Mae ‘shwmae’ syml neu wên gyfeillgar yn mynd yn bell. Mae’n gwneud i’n cymuned deimlo’n gynnes ac yn groesawgar.

 

2. Cadwch yn dawel

Cofiwch, gall cerddoriaeth a sŵn uchel (cerddoriaeth, partïon, larymau, cŵn, ceir ac ati) darfu ar bobl eraill. Byddwch yn ystyriol o lefel eich sŵn, yn enwedig yn ystod adegau tawelach, fel gyda’r nos.

 

3. Rhannu a gofalu

Os oes gennych chi ddodrefn neu eitem i’r cartref nad oes ei angen arnoch mwyach, cynigiwch nhw i’ch cymdogion. Mae estyn help llaw fel hyn yn gwneud gwahaniaeth mawr.

 

4. Parchwch ofod pobl

Mae angen eu gofod personol ar bawb. Parchwch breifatrwydd ac eiddo pobl. Byddwch yn ofalus nad ydych hi’n rhwystro dreif pobl nac yn chwarae yng ngerddi pobl eraill. Wedi dweud hynny, byddwch yn oddefgar o blant cymdogion sy’n chwarae’r tu allan.

5. Byddwch yn gymwynasgar

Os ydych chi’n gweld rhywun yn cael trafferth â’u siopa neu mewn angen, cynigiwch help llaw. Rydym ni’n gymuned ac mae helpu ein gilydd yn ein gwneud ni’n gryfach.

 

6. Cadwch bethau’n lân

Gadewch i ni weithio gyda’n gilydd i gadw’n cymuned yn lân. Casglwch faw eich anifeiliaid anwes, gwaredwch sbwriel yn gywir, cadwch eich gardd yn daclus a rhowch wybod i Trivallis am unrhyw broblemau fel y gall ein tîm Ystadau eu datrys.

7. Diogelwch yn gyntaf

Os byddwch yn sylwi ar rywbeth sy’n edrych yn anniogel neu mae angen ei drwsio, rhowch wybod i ni. Cadwch lygad ar eiddo cymdogion pan fyddant i ffwrdd a rhowch wybod am unrhyw weithgarwch amheus. Mae pob un ohonom ni’n chwarae ein rhan wrth gadw ein cymuned yn ddiogel.

 

8. Dilynwch y rheolau

Byddwch yn ymwybodol o reolau’r gymuned a’u dilyn. Eu diben yw sicrhau bod pawb yn gallu mwynhau byw yma’n gyfforddus.

 

9. Ymunwch â digwyddiadau cymunedol

Cymerwch ran mewn gweithgareddau cymunedol, fel sioeau teithiol Trivallis. Mae’n ffordd wych o gyfarfod â’ch cymdogion a gwneud ffrindiau newydd.

 

10. Cyfathrebwch

Os oes gennych bryderon neu broblemau, siaradwch â’ch cymdogion yn gwrtais. Gwrandewch ar safbwyntiau pobl eraill a cheisio dod i gytundeb sy’n gweithio i bawb. Mae cyfathrebu agored yn helpu i ddatrys problemau ac mae’n cryfhau cymunedau.

Cofiwch

Mae bod yn gymydog da yn gwneud eich ystâd yn lle gwell i fyw.

Datrys problemau

Hyd yn oed os ydych chi’n cyd-dynnu â’ch cymdogion, mae anghydfodau’n gallu digwydd, weithiau. Yn gyntaf, ceisiwch siarad â nhw – mae llawer o broblemau’n gallu cael eu datrys gyda sgwrs.

Os nad yw siarad yn gweithio, cofnodwch beth sy’n digwydd, gan gynnwys pryd mae’n digwydd. Mae hyn yn helpu os oes angen i chi rannu’r manylion, maes o law.

Os bydd pethau’n mynd yn anodd iawn, efallai bydd angen help arnoch chi. Dyma beth allwch chi ei wneud:

  • Mewn argyfwng neu os yw rhywun mewn perygl (yn enwedig plant): ffoniwch 999 a gofyn am yr heddlu
  • Ar gyfer yr heddlu, ond ddim mewn argyfwng: ffoniwch 111
  • Yn achos synau uchel: Ffoniwch y Swyddfa Rheoli Sŵn yn eich cyngor lleol (yn RhCT, ffoniwch 01443 425001; ym Mae Caerdydd, ffoniwch 029 2087 1650)
  • Yn achos problemau gyda chŵn: Ffoniwch y Swyddfa Rheoli Anifeiliaid yn eich cyngor lleol (yn RhCT, ffoniwch 01443 425001; ym Mae Caerdydd, ffoniwch 029 2087 2087)

Os byddwch chi’n rhoi gwybod i’r awdurdodau am broblem, ffoniwch ni hefyd ar 03000 030 888 fel y gallwn helpu i ddatrys y mater.

Beth all Trivallis ei wneud?

Mae gennym gyfrifoldeb i’n cymuned, felly rydym ni’n gweithredu os bydd rhywun yn ymyrryd â heddwch, cysur, preifatrwydd neu ddiogelwch pobl sy’n byw gerllaw.

Cysylltwch â ni os bydd angen help arnoch gyda phroblemau yn eich cymdogaeth. Byddwn ni’n gweithio gyda chi ac unrhyw un arall sydd ynghlwm i ddatrys y broblem.

 

Dywedwch wrthym am broblem â chymydog

Fy Trivallis i Ffoniwch 03000 030 888

Tudalennau cysylltiedig

Trivallis Housing Landlord Wales A woman with long hair leaning on a fence, holding a mug, with a Trivallis residential street in the background.

Tenant Story

Deg rheswm pam rwy’ wrth fy modd yn byw yn fy nghartref Trivallis (Saesneg yn unig)
Trivallis Housing Landlord Wales A man stands in front of a metal fence with a Trivallis housing area and green hills in the background, under a cloudy sky.

Tenant Story

Preswylydd Penrhys, Neil, wrth ei fodd â’i gymuned ofalgar (Saesneg yn unig)

Ble nesaf?

Crwydrwch ein gwefan

Talu eich rhent

Ydych chi angen talu eich rhent neu wirio balans eich cyfrif?

Rhoi gwybod am waith trwsio

Rhowch wybod i ni cyn gynted â phosibl os oes rhywbeth o’i le ar eich cartref

Tenancy agreement

Read & download your tenancy agreement today.