Cadw’n gynnes ac yn iach

Rydym am wneud yn siŵr bod pawb yn gallu cael cartref cyfforddus a hapus heb boeni am anwedd, lleithder neu lwydni’n tyfu.

Rydym ni’n deall bod y materion hyn yn gallu bod yn rhwystredig ac yn niweidiol i’ch iechyd, felly rydym ni am roi rhai camau hawdd i chi eu dilyn a fydd yn eu hatal nhw rhag digwydd yn y lle cyntaf.

Y cyfan y mae angen i chi ei wneud yw rhoi gwybod i ni am y broblem cyn gynted â phosibl, a gwnawn ein gorau i’ch helpu i’w drwsio. Gorau po gyntaf y byddwch yn rhoi gwybod i ni, er mwyn i ni allu gweithio gyda chi’n gynt i drwsio’r broblem cyn iddi waethygu.

Cadw’ch cartref yn sych

Mae cadw lleithder draw yn allweddol i atal anwedd ac atal twf llwydni.

Dyma sut i wneud hynny:

Awyr iach: Gadewch awyr iach i mewn drwy’r ffenestri, y drysau ac awyrellau.

Trwsio gollyngiadau: Rhowch wybod am ollyngiadau yn brydlon i atal gwlybaniaeth a llwydni.

Defnyddiwch gaeadau: Gorchuddiwch sosbenni wrth goginio i gynhyrchu llai o leithder.

Sychu dillad yn dda: Defnyddiwch lif aer da neu ddadleithydd os ydych chi’n sychu dillad.

Sychu i lawr: Sychwch arwynebau ar ôl cael cawod neu goginio i atal lleithder.

Defnyddio gwyntyllau echdynnu: Trowch wyntyllau ymlaen i sugno aer llaith allan mewn ceginau ac ystafelloedd ymolchi.

Ystafelloedd cynnes: Cadwch eich cartref yn gynnes i’w gadw’n sych.

Dadleithio: Defnyddiwch ddadleithydd os yw eich cartref yn teimlo’n rhy llaith.

Creu lle: Gadewch i aer symud o gwmpas dodrefn trwy beidio â’u gosod yn erbyn waliau, awyrellau neu reiddiaduron.

Cadw’n lân: Mae glanhau rheolaidd yn helpu i atal llwydni rhag tyfu.

Beth yw traws awyru?

Mae traws awyru yn fath o awyru naturiol sy’n caniatáu i aer ddod i mewn i un ochr i ystafell a gadael yr ochr arall. Yn ddelfrydol, mae traws awyru yn defnyddio grym wedi’i yrru gan aer i ddod ag aer oerach o’r tu allan yn lle’r aer cynnes hen tu mewn.

Peidiwch â gadael eich ffenestri ar agor am gyfnodau estynedig oherwydd bydd hyn yn arwain at golli gormod o wres, yn hytrach, agorwch ffenestri am ‘”gyfnodau byr, sydyn” o ryw 15 munud bob ychydig oriau i awyru’n gyflym, yn enwedig y peth cyntaf yn y bore i gael gwared ar aer hen a gynhyrchwyd dros nos.

Mae agor ffenestri ym mhob pen i’r eiddo er mwyn caniatáu traws lif yn cael ei argymell.

Anwedd

Mae anwedd yn digwydd pan fydd aer cynnes, gwlyb yn cyffwrdd ag arwynebau oer. Gall achosi lleithder a llwydni. Mae gweithgareddau bob dydd fel coginio ac anadlu yn rhyddhau lleithder. Sicrhewch fod eich cartref yn cael ei awyru’n dda i osgoi anwedd.

Pam mae anwedd yn broblem?

Gall gormod o anwedd arwain at dwf lleithder, difrodi deunyddiau adeiladu a difetha addurniadau. Cadwch lygad allan am arwyddion fel ardaloedd llaith ac arogleuon llwydni.

Gweld yr arwyddion

Chwiliwch am ddŵr yn rhedeg i lawr ffenestri, ardaloedd llaith a phapur wal sy’n dod oddi ar y wal. Mae lleithder yn golygu gwlypter na ddylai fod yno. Mae dau fath.

Llwydni

Mae sborau llwydni yn bethau mân byw sydd bob amser yn yr aer, hyd yn oed y tu mewn i’ch cartref. Ni allwch eu gweld ac rydym ni’n eu hanadlu i mewn heb yn wybod i ni. Ond pan fyddan nhw’n glanio ar bethau ac yn cael yr amodau cywir i dyfu, dyma pryd y gallant droi’n broblem. Mae angen pedwar peth ar lwydni: maetholion, lleithder, y tymheredd cywir ac aer.

Pam mae llwydni yn broblem?

Gall llwydni achosi alergeddau, cosi a hyd yn oed pyliau o asthma. Os byddwch chi’n dod o hyd i lwydni, rhowch wybod i ni. Rydym ni yma i helpu.

Beth ddylwn i ei wneud os dof fi o o hyd i lwydni?

Dylech drin unrhyw leithder sydd gennych yn barod yn eich cartref, yna gwneud beth y gallwch chi i leihau anwedd a’i atal rhag ailffurfio neu ledaenu.

Cael help pan fydd ei angen arnoch chi

Rydym ni’n gwybod ei bod hi’n gallu bod yn anodd delio â lleithder a llwydni ar eich pen eich hun. Os na allwch ddatrys y broblem eich hun, rydym ni yma i chi.

3 cham at ddatrys lleithder a llwydni:

1. Rhowch wybod i ni amdanynt
   Os bydd lleithder a llwydni yn broblem fawr ac ni allwch eu trwsio, rhowch wybod i ni. Gorau po gyntaf y rhowch chi wybod amdano, fel y gallwn ni ei drwsio’n gynt cyn bod y broblem yn gwaethygu. Mae hyn yn arbennig o bwysig os ydych chi’n dod o fewn un o’r categorïau risg isod:

• • babanod a phlant
  • pobl hŷn
  • pobl â phroblemau presennol y croen, fel ecsema atopig
  • pobl â phroblemau resbiradol, fel alergeddau ac asthma
  • pobl â system imiwnedd wan, fel pobl sy’n cael cemotherapi

Os ydych chi neu unrhyw un yn eich cartref yn perthyn i’r categorïau hyn ac mae gennych leithder neu lwydni, cysylltwch â ni yn syth i roi gwybod.

2. Gwirio a thrwsio
   Byddwn ni’n anfon un o’n harbenigwyr i’ch cartref i weld beth sydd o’i le ac i ddod o hyd i’r ffordd orau o’i drwsio. Byddant yn gweithio gyda chi i ddod o hyd i’r achos ac yn awgrymu atebion da.
3. Gwaith tîm
   Mae cael gwared ar leithder a llwydni yn waith tîm.

Cofiwch, gallwch chi helpu atal lleithder a thwf llwydni trwy ddilyn y camau yn y canllaw hwn. Ond os bydd angen ein help arnoch chi fyth, mae ein tîm medrus yma i chi. Mae cysur eich cartref a’ch iechyd yn bwysig i ni ac rydym ni yma i wneud eich cartref chi’n lle gwych i fyw.

Cymorth ariannol

Os ydych chi’n pryderu am fforddiadwyedd cadw’ch cartref yn gynnes yn ystod tywydd oerach, siaradwch â’n Tîm Cyngor Ariannol i ddysgu sut gallech chi arbed arian a chael at y cymorth y mae ei angen arnoch chi. Gallwch lenwi ffurflen gyswllt ar ein gwefan neu ffonio’r tîm yn uniongyrchol ar 01443 494560.