Cymorth ar gyfer cam-drin domestig

Os ydych chi neu rywun rydych chi’n ei adnabod yn dioddef cam-drin domestig, mae help ar gael. Rydym ni yma i gynnig cymorth, arweiniad ac adnoddau i’ch helpu i ddelio â’r sefyllfa.

Beth yw cam-drin domestig?

Mae sawl ffurf ar gam-drin domestig, gan gynnwys cam-drin corfforol, emosiynol, ariannol neu eiriol. Gall ddigwydd i ddynion a menywod. Mae’n bwysig cydnabod nad yw unrhyw un yn haeddu dioddef triniaeth o’r fath, ac mae help ar gael.

Sut gallwn ni helpu?

Yn Trivallis, mae gennym grŵp pwrpasol o aelodau staff sy’n gyfrifol am sicrhau ein bod ni gyd yn chwarae ein rhan wrth ddiogelu oedolion a phlant. Rydym ni’n gweithio gydag oddeutu 300 o ddioddefwyr trais a cham-drin domestig bob blwyddyn.

Nid dim ond helpu ar ein pen ein hunain rydym ni’n ei wneud. Rydym ni’n gweithio gydag asiantaethau a sefydliadau lleol eraill i gael cymorth pellach i’r unigolyn. Gallwn helpu i chi greu cynllun diogelwch wedi’i deilwra i’ch sefyllfa unigryw chi. Gall y cynllun hwn gynnwys camau i’ch amddiffyn chi a’ch anwyliaid.

Pwy arall all helpu?

Isod, rydym ni wedi rhestru rhai asiantaethau eraill a all helpu os ydych chi mewn perthynas gam-driniol. Os byddwch chi’n siarad ag asiantaeth arall, dywedwch wrthynt eich bod chi’n denant gyda Trivallis fel y gallant weithio gyda ni i ddarganfod rhywle diogel i chi fyw.

Mae’r sefydliadau hyn yn cynnig cymorth cyfrinachol ac arbenigol i bobl sy’n dioddef cam-drin domestig. Estynnwch allan iddynt i gael cymorth ac arweiniad wedi’u teilwra i’ch sefyllfa.

1. Llinell Gymorth Trais Domestig Genedlaethol
   Llinell gymorth gyfrinachol, am ddim, sy’n cael ei rhedeg gan Gymorth i Fenywod a Refuge, i unrhyw un sy’n profi cam-drin domestig.
   Visit: https://nationaldomesticviolencehelpline.org.uk
   Ffoniwch: 0808 2000 247 (ar agor 24/7)
2. Gwasanaethau Cam-drin Domestig RhCT
   Gwasanaeth penodol pob rhywedd ym Mhontypridd sydd ar gael i roi cymorth, cyngor ac eiriolaeth i chi.
   http://www.famouspeoplerct.co.uk/public/index.html
   E-bost: PontypriddSafetyUnit@rctcbc.gov.uk
   Ffoniwch: 01443 494190 / 01443 292192
3. Cymorth i Fenywod RhCT
   Help a chymorth i ddioddefwyr gwrywaidd a benywaidd cam-drin a thrais domestig yn RhCT.
   https://warct.org.uk
   Ffoniwch: 01443 400791
4. Rise Cardiff
   Mae’n cynnig help a chymorth i ddioddefwyr cam-drin a thrais domestig yng Nghaerdydd.
   https://Risecardiff.cymru
   Ffoniwch: 029 2046 0566 (ar agor 24/7)
5. New Pathways
   Mae’n cynnig help i ddynion, menywod a phlant o bob oedran ar draws RhCT, sydd wedi profi trawma cael eu treisio neu drais rhywiol.
   https://newpathways.org.uk
   Ffoniwch: 01685 379 310
6. Byddin yr Iachawdwriaeth
   Diogelwch a chymorth parhaus i fenywod a’u plant, ynghyd â benywod sengl sydd wedi profi cam-drin domestig.
   https://SalvationArmy.org.uk/domesticabuse
7. Bwrdd Diogelu Cwm Taf Morgannwg
   Gwybodaeth, cymorth a mynediad i help lleol yn RhCT, Merthyr a Phen-y-bont ar Ogwr.
   https://cwmtafmorgannwgsafeguardingboard.co.uk
8. Llinell Gymorth Byw Heb Ofn
   Ffoniwch yn rhad ac am ddim unrhyw bryd, os gallwch ffonio’n ddiogel.
   https://gov.wales/livefearfree/contactlivefearfree
   Ffoniwch: 0808 8010 800 (ar agor 24/7)
9. Respect
   sefydliad yn y DU sy’n gweithio gyda chyflawnwyr trais domestig, dioddefwyr gwrywaidd trais domestig a thrais phobl ifanc mewn perthynas glòs.
   https://respect.uk.net
   Llinell gymorth i bobl sy’n poeni am eu hymddygiad: 0808 802 4040
   Llinell gymorth i ddynion sy’n profi cam-drin domestig: 0808 801 0327
10. ManKind
    Help i ddynion sydd wedi dioddef trais a cham-drin domestig, gyda gwybodaeth a chymorth.
    https://mankind.org.uk
    Ffoniwch: 01823 334244 (diwrnodau’r wythnos 10am tan 4pm)
11. Byddin yr Iachawdwriaeth
    Helpu dioddefwyr caethwasiaeth fodern ddianc rhag perygl a’u cynorthwyo i adeiladu bywyd newydd.
    https://salvationarmy.org.uk/modernslavery
    Ffoniwch: 0800 808 3733 (ar agor 24/7)
12. BAWSO
    Sefydliad blaenllaw yng Nghymru sy’n darparu cymorth ymarferol ac emosiynol i ddioddefwyr du, Asiaidd, ethnig lleiafrifol a mudwyr sy’n dioddef cam-drin domestig, trais rhywiol, masnachu pobl, anffurfio organau cenhedlu benywod a phriodas dan orfod.
    https://bawso.org.uk
    Ffoniwch: 0800 731 8147 (ar agor 24/7)
13. Llinell Gymorth a Chanolfan Adnoddau Caethwasiaeth Fodern Mae’n cynnig mynediad i ddioddefwyr, y cyhoedd, asiantaethau statudol a busnesau i wybodaeth a chymorth 24/7.
    https://modernslaveryhelpline.org
    Ffoniwch: 08000 121 700 (ar agor 24/7)
14. Karma Nirvana
    Elusen hawliau dynol Brydeinig sy’n cefnogi dioddefwyr cam-drin ar sail anrhydedd a phriodas dan orfod.
    https://KarmaNirvana.org.uk
    Ffoniwch: 0800 2999 247 (Llun-Gwener 9am-5pm)
15. Stonewall Cymru
    Cyngor a chymorth ar amrywiaeth o faterion i ddioddefwyr a goroeswyr LHDTC+ cam-drin domestig yng Nghymru.
    https://stonewallcymru.org.uk
    Ffoniwch: 0800 0502020 (9:30 – 4:30 Dydd Llun i ddydd Gwener)
16. Galop
    Elusen gwrth-drais LHDTC+ sy’n cefnogi pob unigolyn LHDTC+ sydd wedi profi trosedd gasineb, cam-drin domestig neu drais rhywiol.
    https://galop.org.uk
    Ffoniwch Llinell Gymorth Cam-drin Domestig Genedlaethol LHDT+: 0800 999 5428 (ddydd Llun i ddydd Gwener 10am-5pm a dydd Mercher i ddydd Iau 10am-8pm)