Cyfarfod Cyffredinol Blynyddol 2025

Rydym am i’n holl gyfranddalwyr allu ymuno â’n Cyfarfod Cyffredinol Blynyddol. Eleni, gallwch gymryd rhan naill ai trwy ddod i’r cyfarfod neu ymuno ar-lein. Y Cyfarfod Cyffredinol Blynyddol yw eich cyfle i rannu eich barn ar sut mae ein Cymdeithas Tai yn cael ei rheoli ac i bleidleisio dros ymgeiswyr sy’n ymgeisio i fod yn aelodau o Fwrdd y Cwmni Cydfuddiannol Cymunedol.

Y busnes i’w ystyried yn y cyfarfod fydd y penderfyniadau cyffredin:

1. Adroddiad y Bwrdd ar faterion y Cwmni Cydfuddiannol Cymunedol ar gyfer y cyfnod sy’n dod i ben ar 31 Mawrth 2025.
2. Yr adroddiad blynyddol a’r cyfrifon ar gyfer y flwyddyn a ddaeth i ben ar 31 Mawrth 2025.
3. Ail-benodi archwilwyr allanol Menzies LLP (Haines Watts LLP gynt).

Gwybodaeth gyffredinol

Rydym wedi anfon llythyrau at gyfranddalwyr gyda chyfarwyddiadau ar sut i gael gafael ar ddogfennau’r Cyfarfod Cyffredinol Blynyddol ar-lein. Roedd y llythyrau hefyd yn cynnwys ffurflen bleidleisio a dolen i ymuno â’r cyfarfod ar-lein. Os ydych chi’n meddwl eich bod chi’n gyfranddaliwr ac nad ydych wedi cael y ddolen na’r ffurflen bleidleisio, anfonwch e-bost at agm@trivallis.co.uk.

Gall cyfranddalwyr ddewis rhywun i’w cynrychioli yn y cyfarfod. Gallwn hefyd helpu unrhyw gyfranddalwyr sydd angen cymorth. Os ydych am bleidleisio cyn y cyfarfod neu ddewis cynrychiolydd, dychwelwch eich ffurflen bleidleisio erbyn 11am ddydd Iau 7 Awst 2025.

Dyddiad yr hysbysiad hwn yw 24 Gorffennaf 2025.

TRWY ORCHYMYN Y BWRDD

Lisa Pinney, Ysgrifennydd y Cwmni

Ein harchwilwyr

Mae ein cyfrifon wedi’u harchwilio gan Menzies LLP (Haines Watts gynt), 5ed Llawr Hodge House, 114 – 116 Heol y Santes Fair, Caerdydd, CF10 1DY.

Ewch i’w gwefan am ragor o wybodaeth.